ಪುನರುತ್ಥಾನ

ಸರಿಯಿತು ಕಲ್ಲು ತೆರೆಯಿತು ಬಾಗಿಲು

ಯೇಸು ಹೊರಹೋಗಲೆಂದಲ್ಲ

ಹೊಸ ಜೀವ ಹೊಸ ಭಾವ

ಉದಯಿಸಿರುವುದ ನಾ ಕಾಣಲೆಂದು

 

ಕ್ರಿಸ್ತನೆದ್ದಿರುವನು ನಿಜ

ಆದರೆ ನಾನಿನ್ನೂ ಎದ್ದಿಲ್ಲ

ನಾನಿನ್ನೂ ಎದ್ದಿಲ್ಲ ಪಾಪಕೂಪದಿಂದ

 

ಕ್ರಿಸ್ತ ನೀ ಬಾರಾ ಪೊರೆಯೆನ್ನ

ದುರಾಸೆಯ ಬಲೆಯಿಂದ

ಅಸೂಯೆಯ ಸೆರೆಯಿಂದ

ಧನದಾಹದ ಮದದಿಂದ

 

ಹೆಸರು ಮಾಡುವ ಮೋಹ

ಅಳಿದುಹೋಗಲಿ ಸ್ವಾಮಿ

ಬದುಕಗೊಡಿಸುವ ಗುಣವು

ನನ್ನಲುದಯಿಸಲಿ

 

ನನ್ನಾತ್ಮ ಬಲವು ನೀನು

ನನ್ನ ಜೀವದ ಬೆಳಕು

ನಿನ್ನ ಭರವಸೆಯ ದಾರಿಯಲಿ

ಎನ್ನ ಮುನ್ನಡೆಸು

 

ಸಿ ಮರಿಜೋಸೆಫ್